Украинскиот претседател Володимир Зеленски изјави дека рускиот претседател Владимир Путин ја користи темата за мировни преговори како средство за избегнување на притисокот од построги санкции против Русија.
Зеленски оцени дека е важно Москва да му покаже на американскиот претседател Доналд Трамп дека постои „дипломатски мост“ меѓу Украина и Русија.
„Зошто? За да не се воведуваат санкции против Русија додека траат преговорите. Бидејќи Путин секогаш може да каже: „Разговараме едни со други! Ако се воведат санкции, нема да има повеќе преговори“, рече Зеленски во интервју за „Билд“.