Украинскиот претседател Володимир Зеленски изјави дека го мрази рускиот претседател Владимир Путин и тврди дека чувството е взаемно.
Зеленски ги даде коментарите кратко по средбата со американскиот претседател Доналд Трамп во Белата куќа во петокот.
„Путин ме мрази“, им рече тој на новинарите во Вашингтон.
Кога еден новинар го праша Зеленски: „Дали го мразите?“, украинскиот лидер одговори дека би било „чудно“ за него да има различно мислење за оние кои „се обидуваат да ги убијат сите“.
„Имам ист став (кон) овој човек“, рече Зеленски за Путин.
Украинскиот лидер ги поддржа повиците на Трамп за итно прекинување на огнот по сегашните линии на фронтот. Зеленски одби да каже дали САД ќе испратат крстосувачки ракети Томахавк со долг дострел во Киев, но посочи дека не е постигнат напредок по ова прашање.
„Треба да работиме понапорно на ова“, рече тој.