Украинскиот претседател Володимир Зеленски изјави за Sky News дека не е заинтересиран да се сретне со Владимир Путин за мировни преговори, велејќи дека тој е всушност ирелевантен и дека не е сигурен кој точно ги носи одлуките во Русија.
„Не ме интересира средба со Путин. Ниту за средба, ниту за преговори. Навистина не знам кој ги носи одлуките во Русија. По сеопфатната инвазија, Путин за мене е никој“, рече Зеленски.
Тој додаде дека нема намера да се бори на руска територија.
„Јас само сакам да ја прекинат инвазијата и да ја напуштат нашата земја што е можно поскоро. Можам да ви кажам со сигурност – ако ја напуштат нашата територија, војната ќе заврши. Тоа е се“, рече украинскиот претседател, истакнувајќи дека имало посилни напади и офанзиви во последните денови.