Претседателот на Украина Володимир Зеленски го осуди рускиот воздушен напад врз селото Јарова во регионот Донецк, во кој, според прелиминарните податоци, загинаа повеќе од 20 цивили. Нападот се случил во времето на исплата на пензијата.
„Брутално дивјачки руски воздушен напад со воздушна бомба врз селото Јарова во регионот Донецк. Директно врз луѓе. Обични цивили. Во времето на исплата на пензијата. Според прелиминарните информации, загинаа повеќе од 20 лица. Немам зборови… Мое сочувство до сите семејства и најблиски на жртвите“, рече Зеленски.
Тој додаде дека ваквите руски напади не смеат да останат без одговор од светот.
„Русите продолжуваат да уништуваат животи, избегнувајќи нови силни санкции и нови силни удари. Светот не смее да молчи. Светот не смее да остане непроменет. Потребни се силни акции за да се принуди Русија да престане да носи смрт“, рече Зеленски.