Пред крајниот рок на 1 декември, кога палестинската автономска власт контролирана од Фатах го презема Појасот Газа, кој сега е под власт на Хамас, започнаа тридневните преговори помеѓу спротивставените движења во Каиро.
Преговорите се под покровителство на Египет, а покрај Фатах и Хамас учествуваат и уште 12 други палестински движења. На нив ќе се разговара за подготовката на националните палестински избори, безбедноста во Појасот Газа, како и помирувањето на семејствата кои беа раскарани поради непријателството меѓу Фатах и Хамас.