Шпанската полиција го заплени имотот на поранешниот египетски претседател Хосни Мубарак.
Запленетиот имот е во вредност од вкупно 28 милиони евра, од кои инвестиции од 18 милиони евра во три шпански банки, потоа два недвижни имоти во едно предградие на Мадрид и седум во Марбеља. Запленети се и пет луксузни автомобили.
Полициската акција е преземена на барање на Каиро за блокирање на имотот на 130 луѓе поврзани со Мубарак, неговото семејство и членовите на поранешната египетска Влада.
Мубарк (84) на почетокот од годината е осуден на доживотна затворска казна бидејќи не спречи убиство на 900 учесници во протестите од 2011 година, со кои беше соборен неговиот режим. Мубарак владееше со Египет три децении.