Заклучоците за Украина усвоени во Брисел, „за“ беа 26 од 27 земји

Од:

Сите 27 лидери на земјите-членки на самитот во Брисел вечерва ги поддржаа заклучоците за зајакнување на европската одбрана, додека заклучоците за Украина ги поддржаа 26 од нив, со исклучок на унгарскиот премиер Виктор Орбан.

Текстот за Украина ја содржи реченицата „силно поддржана од 26 земји-членки“. Оваа реченица е додадена во текстот на заклучоците, но не е дел од заклучоците, објаснуваат од Европскиот совет.

По усвојувањето на заклучоците, лидерите ја продолжија дискусијата за Украина.

Унгарскиот премиер Виктор Орбан се смета за најблизок сојузник на Владимир Путин во Европа. Орбан се залагаше европскиот блок да ги поддржи преговорите меѓу САД и Русија.

Дописникот на Sky News, Сиобан Робинс, рече дека ставот на Орбан за заклучоците за Украина бил добро познат пред почетокот на состанокот. Унгарскиот премиер дури напиша и отворено писмо во кое посочи дека не може да гарантира дека ќе продолжи да ја поддржува Украина онолку долго колку што е потребно.

Во заклучоците на Европскиот совет за одбрана се нагласува дека Европа мора да стане „посуверена, поодговорна за својата одбрана и подобро опремена да дејствува и самостојно да се справува со сегашните и идните предизвици и закани“ и предупредува дека војната во Украина и нејзините последици за европската и глобалната безбедност во променлива средина претставуваат егзистенцијален предизвик за ЕУ.

Би можело да ве интересира

Најмалку 6.000 војници на Северна Кореја загинаа во војната во Украина

Киев нарача терористички напад, Москва на време го уапси терористот

(ВИДЕО) Русија ги предаде телата на 6.060 убиени украински војници

Орбан: Унгарија нема да „падне на колена“ пред Украина

Сијарто: Зад затворени врати на состаноците на 27-те земји-членки, државите кои го поддржуваат проширувањето се малцинство

Горан Наумовски

Сибиха: Русија не постигна никакви стратешки цели во војната