Захарова: НАТО се меша за да спречи соработка меѓу Русија и Белорусија

Од:

Портпаролката на руското Министерство за надворешни работи Марија Захарова денеска изјави дека ефекасната соработка меѓу таа земја и Белорусија не се вклопува во плановите на НАТО.

Реагирајќи на изјавата на генералниот секретар на НАТО Јенс Столтенберг во која тој изрази загриженост за соработката меѓу Москва и Минск, таа на својот канал на Телеграм објави дека Западот жестоко се пресметува со Белорусија затоа што „нормална ефикасна соработка меѓу двете земји е не е дел од плановите на НАТО “.

„Постојано се меша во внатрешните работи на едната или на другата земја, или истовремено се меша во работите на обете, само за да се спречи природниот тек на заемно корисна интеграција“, изјави Захарова, пренесува ТАСС.

Коментирајќи ја подготвеноста на НАТО „да ја заштити секоја членка на Алијансата од заканите што ги носат Москва и Минск“, Захарова му посака добро здравје на шефот на НАТО, истакнувајќи дека тоа е „директно поврзано со надминување на старите фобии и ослободување од манијата на гонење“.

Таа изјави дека внатрешниот тероризам во САД е уште еден проблем што НАТО не го решава со децении.

– Тоа е она што земјите-членки мораат итно да го решат, а не лажните закани, рече Захарова.

Во интервју за германскиот весник „Велт ам Зонтаг“, Столтенберг изјави дека членките на НАТО се сериозно загрижени поради тесната соработка меѓу Москва и Минск во текот на изминатите месеци и додаде дека Белорусија „станува сè повеќе зависна“ од Русија.

Би можело да ве интересира

Ликвидирани се киднаперите од истражниот затвор во Ростов на Дон

Заложничка драма во истражниот затвор во Ростовската област

Горан Наумовски

САД и Јужна Кореја загрижени за посетата на Путин на Северна Кореја

Истражување: 89 отсто од Русите би поддржале криминализација на семејното насилство

Руско-израелски новинар доби забрана за влез во Србија: „Ми дадоа документ дека сум безбедносен ризик“

A1on

„Во каса остана само банкнота од 100 долари“: Москва Тајмс тврди известува за недостиг на девизи во банките во Русијa

A1on