Портпаролката на Министерството за надворешни работи на Руската Федерација, Марија Захарова, ја опиша како „подмолна лага“ изјавата на францускиот претседател Емануел Макрон дека рускиот претседател Владимир Путин не сака мир.
„Каква подмолна лага! Седум години Русија предлага мирно решавање на украинскиот конфликт преку Минските договори. Француските политичари и државни функционери, од друга страна, ги охрабруваа украинските платеници да го одржат „Мајдан“, државен удар и други чекори што ја поткопаа безбедноста и мирот“, рече Захарова во коментар објавен на нејзиниот Телеграм канал, реагирајќи на изјавите на Макрон дадени за францускиот весник „Ле Фигаро“, пренесува руската новинска агенција ТАСС.
Захарова нагласи дека Париз не направил ништо во однос на спроведувањето на Минските договори, кои, како што потсети, беа основа за мирно решавање на конфликтот во Донбас.