[staff name=”Јасна Атанасова” position=”Автор”][/staff]Американскиот мултимилионер и прв вселенски турист во светот, Денис Тито, откри дека за првата човечка мисија на црвената планета бараат маж и жена, по можност брачна двојка.
Мисијата, која чини околу милијарда американски долари, ја финансира неговата непрофитна фондација „Инспирејшн Марс“, како и донации и спонзорства.
Планирано е да започне на 5-ти јануари 2018-та година, кога Марс и Земјата ќе бидат порамнети, така што времетраењето на патувањето ќе биде оптимално кусо или 501 ден, поточно 228 за пат до Марс и 273 денови за враќање на Земјата. И
наку, надвор од овој „временски прозорец“, патот до Марс трае две до три години, а следната слична можност за кус пат ќе биде во 2031-ва година.