Правото на сатира и потсмевање, дури и со религијата, претставува суштински дел од францускиот идентитет, рече претседателот на Франција, Емануел Макрон, два дена откако започна судењето на обвинетите за вмешаност во нападот на сатиричниот магазин „Шарли Ебдо“.
Им се суди на тринаесет мажи и една жена, кои се обвинети дека се соучесници на радикалните исламисти кои убија 17 лица во редакцијата на сатиричниот весник „Шарли Ебдо“ и на еврејскиот пазар во јануари 2015 година.
– На почетокот на судењето за нападите во јануари 2015 година, реков дека да се биде Французин значи да се брани правото на смеа, шеги, потсмев и карикатура, за што Волтер тврдеше дека е основа на сите други права, рече Макрон.