Најмалку десет лица се ранети, кога непознат маж се удри со комби во група посетители на божикниот пазар во центарот на западниот француски град Нант, само еден ден по сличен инцидент во Дижон.
Сите повредени се хоспитализирани, а петмина од нив се во тешка состојба.
Возачот на комбито, 25-годишен маж се обидел да се самоубие, нанесувајќи си најмалку еден убод со нож. Тој исто така се наоѓа во болница, а според обвинителот на Нант станува збор за изолиран случај и оти не може да се говори за терористички акт.
Мотивите за нападот не се познати.
Четириесетгодишен маж во неделата во Дижон го крена автомобилот во воздух меѓу толпа пешаци, извикувајќи „Алах е голем“. Во нападот беа ранети 13 лица, од кои двајца беа во тешка состојба.