Врховниот суд на САД дозволи увид во даночните документи на Трамп

Од:

Врховниот суд на САД денеска донесе одлука Обвинителството во Њујорк да може да ги добие финансиските документи на американскиот претседател Доналд Трамп, но, барем засега, спречи Претставничкиот дом на Конгресот, во кој мнозинство се демократите, да добие увид во тие материјали.

Двете пресуди со седум гласови „за“ и два „против“ ги потпиша судијата Џон Робертс.

Долгогодишната сметководствена фирма на Трамп, „Мазарс ЛЛП“, според пресудата, треба да и предаде различни финансиски документи на големата порота во Њујорк во рамки на кривичната истрага која се води против американскиот претседател.

Меѓутоа, судот не им дозволи на комисиите на Претставничкиот дом, исто така, да можат, врз основа на судски налог да дојдат до даночните документи на Трамп, што претставува краткорочна победа на американскиот претседател. Спорот ќе продолжи на пониските судови во САД, јавија американските медиуми.

Денешната одлука на Врховниот суд, Трамп ја оцени како „политички мотивирана“.

– Сето ова е политички прогон, напиша Трамп на Твитер, нагласувајќи дека тоа е непочитување на шефот на државата и администрацијата.

Трамп е прв претседател на САД, уште од Ричард Никсон, кој одбил јавно да ги објави своите даночни пријави. Неговите адвокати тврдат дека Трамп има целосен имунитет додека е на чело на САД, а Конгресот нема никакво оправдување да ги бара тие документи.

Би можело да ве интересира

Русија: Не сме ѝ понудиле на Америка соработка околу вакцината за Ковид-19

А1он

Училиштата во Њујорк и Вашингтон се одлучија за онлајн настава

А1он

ВИДЕО: Маж спасен во последна секунда, му се заглавила инвалидската количка во пругата додека доаѓал воз

А1он

Во САД денеска речиси 1.500 починати и над 56 илјади новозаразени со коронавирус

А1он

ВИДЕО: Трамп објави бизарен спот во кој алудира дека Бајден е педофил

А1он

Американските здравствени власти предвидуваат „најлоша есен што сме ја виделе“ поради коронавирусот

А1он