Вооружени лица упаднаа денеска во либискиот Парламент, при што отвориле оган и го прекинале изборот на нов премиер на земјата.
Порпаролот на законодавниот дом Омар Хмејдан во изјава за западните медиуми тврди дека во нападот има неколку ранети
Според непотврдени информации, напаѓачите биле поврзани со поразениот кандидат за премиер.
Очевидци виделе дека пратенциите бегаат од Парламентот.
– Заседанието на Парламентот е прекинато и одложено за следната недела, изјави народниот претставник Тахар Мокни.
Либискиот Парламент минатиот месец му изгласа недоверба на премиерот Али Зејдан заради сомнежи за корупција и други злоупотреби.
Министерот за одбрана Абдула ат Тани положи заклетва за вршител на должноста премиер на Либија.
Либија е зафатена од насилство и хаос откако во 2011 година во вооружениот бунт беше соборен и убиен долгогодишниот шеф на државата Моамер Гадафи.