Воениот аналитичар и поранешен офицер на НАТО, Јусуф Алабарда, изјави дека неодамнешните израелски напади врз иранските нуклеарни објекти во Израел ќе се сметаат за личен и политички успех на премиерот Бенјамин Нетанјаху.
„20 години Израел имаше амбиција да се ослободи од нуклеарните објекти на Иран. Нетанјаху го доби она што го сакаше“, изјави Алабарда за Ал Џезира.
Според него, Нетанјаху ќе „ги искористи овие напади за својата политичка кариера“ и „на следните избори“ ќе го претстави тоа како победа над она што Израел го смета за своја најголема „закана“.
Од друга страна, Алабарда наведува дека Иран се соочува со тешка ситуација.
„Иран ги загуби сите свои посредници во Либан, Сирија и во многу различни делови од светот. А сега САД и Израел ги оштетија сите нуклеарни постројки на Иран.“
И покрај обемот на штетата, Алабардa ја исклучи можноста за промена на владата во Техеран.
Тој посочи на способноста на Иран да ја пробие воздушната одбрана на Израел, велејќи: „Иран успешно ја проби Железната купола. Затоа, Нетанјаху не може да продолжи со промена на режимот.“