Два воени бродови на американската морнарица се упатија кон водите на Либија, по убиството на амбасадорот на САД во нападот на исламистички екстремисти на американскиот конзулат во Бенгази.
„Два воени брода ќе се закотват недалеку од брегот на Либија, но само како превентивна мерка“, изјави анонимно воено лице и додаде дека испраќањето на бродовите не значи и воена операција.
Разурнувачот Ју-Ес-Ес Лабун веќе се приближил до либискиот брег, додека Ју-Ес-Eс МакФол е на пат кон Либија и во близина на брегот на оваа земја ќе пристигне за неколку денови.
Бродовите засега немаат одредена мисија.
Американскиот претседател Барак Обама нареди подигнување на нивото на безбедност кај сите американски дипломатски мисии.