Над милион работници во јавниот сектор почнаа денеска штрајк во Велика Британија поради намалување на платите и трошоците од страна на владата, воведени како дел од програмата за штедење, објавија синдикатите.
Штрајкот, најголем откако коалициската Влада на премиерот Дејвид Камерон ја презеде власта во 2010 година, опфаќа голем број работици, од наставници и државни службеници до хигиеничарки и лица кои работат на одржување на паркови.
Серија протести се планирани ширум Велика Британија, вклучувајќи и еден во централниот дел на Лондон, кој ќе заврши со митинг на Трафалгар сквер.
Како дел од настојувањата да се избалансираат јавните финансии, Владата на Камерон ги замрзна платите во јавниот сектор во 2010 година на две години и оттогаш го ограничи зголемувањето на платите на еден отсто годишно.