Во Шпанија запленети 5,6 тони кокаин

Од:

Шпанската полиција денеска соопшти дека во пристаништето Валенсија запленила 5,6 тони кокаин во вредност од над 340 милиони евра, што е рекордна количина на запленети опијати во последните четири години.

Полицијата открила кокаин во бродски контејнер кој бил испратен од Јужна Америка до пристаниште во Медитеранот, едно од најголемите во Европа, се вели во соопштението на Министерството за внатрешни работи.

Истрагата почнала во 2021 година по сомневањата дека криминална организација „користела“ увоз на овошје и зеленчук за внесување дрога во Шпанија.

Портпаролот на полицијата рече дека засега нема уапсени и дека истрагата се уште е во тек, но не сподели информации за времето на операцијата ниту од која земја дошол контејнерот.

Објавата за заплената уследи два дена откако Европол објави информации за разбивање на „супер картел“ кој контролира околу една третина од трговијата со кокаин во Европа, од страна на властите на шест земји, меѓу кои и Шпанија. Шпанската цивилна гарда соопшти дека во рамките на оваа заедничка операција во Шпанија биле уапсени 13 лица. Картелот пренесувал кокаин од Панама во Шпанија преку медитеранските пристаништа Алгесирас, Барселона и Валенсија.

Извор: МИА

Би можело да ве интересира

Шпанската полиција заплени 4,5 тони кокаин кај Канарските Острови

Ана Ололовска

Убиство на црковно лице со мачета во Шпанија, злосторството се истражува како можен терористички акт

Шпанската полиција уапси лице осомничено за минатогодишните инциденти со испратени писма-бомби

А1он

Во Шпанија од почетокот на годината убиени шест жени

Шпанските десничари побараа оставка на премиерот Санчез

ВИДЕО: Во Шпанија уапсена банда која експлоатирала украински бегалци

Горан Наумовски