Бран од атентати во ирачката престолнина Багдад ноќеска го однесе животот на најмалку 65 лица, пренесоа француските медиуми, повикувајќи се на најновите податоци на ирачките власти.
Во нападите се повредени најмалку 190 лица.
Серијата од дури 12 атентати со автомобили бомби и експлозивни направи поставени крај патот го потресоа Багдад во текот на ноќта, јавија француските медиуми.
Автомобилите бомби се активирани главно во шиитските квартови.
Ова е најкрвав координиран напад во Ирак од почетокот на јули, во кој билансот на жртвите веќе изнесува 500 загинати.