Во Саудиска Арабија беа уапсени 88 лица за планирање на терористички напади во земјата и странство.
Саудиското Министерство за внатрешни работи соопшти дека осомничените биле следени шест месеци пред нивното апсење и биле „многу блиску до извршување на операциите“.
Во февруари во Саудиска Арабија беше усвоен закон за борба против тероризмот, кој им дозволува на безбедносните сили да приведат осомничени за терористичка активност со времетраење од шест месеци и со можност за продолжување на уште шест.
Веднаш потоа властите воведоа и казни од три до 20 години затвор за учество во религиозни есктремистички активности и поддршка на истите.