Камион на FedEx се преврте преку мост во Питсфорд, Њујорк, при што беа повредени пет лица, меѓу кои и едно дете.
Инцидентот се случил околу 8.30 часот, изјави шефот на противпожарната станица Хенриета, Марк Чолах.
Од полицијата велат дека при несреќата камионот од страна удрил во друго возило.
– Првите лица кои реагирале на местото на настанот го нашле возачот на FedEx свесен, на страната на патот и надвор од камионот, рече Чолах.
Во второто возило повредени се четири лица, меѓу кои и едно дете.
Сите петмина биле пренесени во болница во Рочестер со, како што изгледа, полесни повреди. Чолах наведува дека во моментот на несреќата камионот FedEx бил празен и поради тоа жртвите се здобиле со полесни повреди.
„Да беше полн, целиот камион ќе паднеше од мостот. Прашање е дали возачот ќе преживее во тој случај“, рече тој.