Во сојузната американска држава Оклахома изведена е прва егзекуција, по неуспешно давање на смртоносна инјекција на осуденик во пролет минатата година.
Во април минатата година едно осудено лице умираше повеќе од 40 минути, што предизвика критики кај јавноста, поради што извршувањата на смртните казни беа одложени се додека државите не спроведоа ревизија за процедурата на егзекуција, пренесе „Асошиејтед прес“.
Егзекуцијата на Чарлс Фредерик Варнер, кој беше осуден поради убиство на единаесетмесечно девојче, во 1997 година во Оклахома Сити, траеше 18 минути.
На Флорида исто така во четврток е извршена смртна казна над Џони Шејн Кормонди кој во 1993 година уби човек во Пенсакола. И за едниот и за другиот осуденик употребена е иста комбинација од три лекови за смртоносна инјекција.
Е. Г.