Русија има денеска 20.498 нови случаи на ковид-19, и ова е трет ден по ред бројот на новозаразени да е поголем од 20.000, објави кризниот штаб.
Вкупниот број на заразените лица во Русија во моментов е 1.774.334, додека 30.537 пациенти починале како резултат на ковид-19 досега, од кои 286 се регистрирани денес.
Тоа е за речиси сто помалку од претходниот ден, кога властите потврдија 364 смртни случаи како резултат на инфекција со коронавирусот, пренесува ТАСС.
Бројот на луѓето излекувани од ковид-19 се зголеми на 1.324.419.