Во руската република Башкирија избувна страшен пожар во кој загина седумчлено семејство со пет деца, јавуваат руските агенции.
Пожарот зафатил двокатна дрвена куќа во која имало неколку станови, соопштија од итните служби, пренесува Интерфакс.
Од пожарот се спасени две деца. Таткото успеал да ги спаси, а потоа се обидел да ги спаси и другите деца, но не можел да излезе од запалената куќа и починал.
При гаснењето на пожарот пронајдено е и тело на жена, соопшти прес-службата на Главната управа на Министерството за вонредни состојби во Башкирија.
Башкирија се наоѓа во југоисточниот дел на европскиот дел на Русија.