Во пожар што избувна на семејна фарма во градот Капелен во северозападна Белгија, загинаа 1.500 свињи, објавија локалните медиуми.
„Пожарот избувна на фарма каде што се одгледуваат околу 3.000 свињи. По интервенцијата на пожарникарите, пожарот беше ставен под контрола“, изјави градоначалникот на Капелен, Петер Рикманс, според фламанскиот јавен сервис VRT.
На фармата беа изградени две згради со по 1.500 свињи, а едната беше целосно уништена од пожарот, додека во другиот дел службите за итни случаи се обидуваат да спасат што е можно повеќе животни.
„Неколку камиони се на пат и се очекува да ги транспортираат свињите, но еден камион може да транспортира максимум 200 животни“, изјави претставник на противпожарната служба, потврдувајќи дека точната причина за пожарот сè уште не е позната.
