Се влошува ситуацијата со коронавирусот во поширокиот регион на Париз, каде болниците се под огромен притисок. Тоа го изјави денеска генералниот директор на парискиот болнички систем, Мартин Хирш.
Во изјава за радио РТЛ тој нагласи дека постојат две опции за контрола на болеста – едната е заклучување за викенд, што веќе постои во другите делови на државата, а другата е заклучување во пошироката област на парискиот регион.
Францускиот премиер Жан Кастекс вчера изјави дека е време да се воведат дополнителни ограничувања поради неконтролираното ширење на коронавирусот во поширокиот регион на Париз.