Триесет и шест лица загинаа во поплавите во Судан, во регион северно од престолнината Картум, што од почетокот на август повеќе пати беше зафатен од поројни дождови, соопштија француските медиуми, повикувајќи се на националното радио.
Приближно 5.000 куќи биле разурнати како последица на дождовите и поплавите, прецизира радио Омдурман.
Во информацијата, испратена по електронска пошта, не се прецизира кога загинале сите жртви.
Силни дождови во петокот повторно се излеаја врз Картум и неговата околнина, забележуваат агенциите.