Најмалку 22 луѓе настрадаа во изминатите два дена во поплави и лизгање на земјиште во Шри Ланка, предизвикани од поројни монсунски дождови.
Центарот за природни катастрофи соопшти дека еден човек се води како исчезнат додека седуммина се повредени.
Околу 2.500 луѓе биле приморани да ги напуштат своите домови и сместени се во привремени кампови.
Најмалку 14 луѓе ги загубија животите во западната област Калутара каде карпи уништија 44 куќи. Во неколку области поплавени се патишта и железничка пруга.