Европската Комисија испрати 1,5 милиони евра хуманитарна помош за справување со економската криза во Шри Ланка, јави дописничката на МИА од Брисел.
Средствата што ги ослободи денес Европската Комисија имаат за цел да се помогне за основните потреби на населението во Шри Ланка, пред сѐ исхраната, здравството, образованието и заштитата, парите се наменети првенствено за најранливите групи на граѓани.
Еврокомесарот задолжен за хуманитарна помош, Јанез Ленарчич, изјави дека Шри Ланка се соочува со продолжена социо-економска криза која непрекинато ги троши ресурсите на земјата и претставува закана за прехранбената сигурност на населението.
Со ова Европската Комисија ја потврдува својата поддршка за хуманитарните потреби на земјата.
Извор: МИА