Во Лондон изгоре големо скалдиште, во пожар за кој се верува дека е намерно подметнат, соопшти Метрополитен полицијата.
Огнената стихија целосно го уништила складиштето, како и два други помали објекти во неговиот круг. Во пожарот изгореа и три камиони,што биле паркирани во дворот.
Огнот предизвика голема материјална штета, но во овој инцидент нема загинати или повредени лица.
„Голема среќа е што нема човечки жртви, но пожерот беше толку голем и силен што жртви сигурно ќе имаше доколку во складиштето имаше луѓе„ изјави претставник на лондонската полиција.
Пожарот бил забележан во 2 часот по полноќ, кога локалните жители во источните делови од Лондон ги повикале полицијата и противопожарните служби на интервенција.
Повеќе од 100 пожарникари цела ноќ се бореле со огнената стихија, за да не дозволат таа да се рашири кон блиските станбени квартови.
Полицијата отвори истрага за пожарот, трагајќи по мотивот за неговото предизвикување и по сторителот.