Германската канцеларка Ангела Меркел денеска во Пекинг со кинескиот премиер Ли Кечијанг разговараше за развој на областите во внатрешноста на Кина.
Меркел на својата седма посета предводи голема бизнис делегација, со цел да се зајакне трговијата меѓу двете држави.
Германската канцеларка во Пекинг пристигна вчера и најави дека на средбите ќе се разговара за општествени теми и за човековите права.
Таа ќе присуствува и на состанокот на Кинеско-германската комисија за економија и трговија, а ќе се сретне со претседателот на Кина, Кси Џинпинг.