Една жена беше уапсена утрово во Париз од страна на Централната дирекција за внатрешно разузунување (ДЦРИ), осомничена дека одржувала врски со Ал Каеда во Арапскиот Полуостров (АКПА), јави дописникот на МИА од Париз.
Таа беше уапсена рано изутринва околу 6 часот и 30 минути во еден стан во квартот Белвил во 20-от париски арондисман. Нејзиното апсење е во рамките на една прелинимарна истрага за „криминално здружување со цел да се подготвуваат терористички акти“, спроведена од антитерористичкиот дел на јавното обвинителство на Париз.
АКПА е огранок на Ал Каеда во Јемен и е позната по објавувањето на онтернет текстови со пропагандна содржина насочена кон млади радикални исламисти од запданите земји.