Возач на автомобил нападна полициска патрола во Нов Зеланд, со што е првпат во историјата на земјата да биде убиена полицајка при вршење на должност. 32-годишниот осомничен е уапсен, а во инцидентот две лица се повредени, пишува АП.
Нападот ја потресе земјата во која ретко се случуваат убиства на полицајци на должност. Лин Флеминг стана првата полицајка во историјата на Нов Зеланд која почина како жртва на криминал додека била на должност, соопшти денеска новозеландската полиција.
Возило со голема брзина удрило во полицајците додека тие вршеле рутинска патрола на паркинг, а потоа возачот извртел и удрил во полициското возило, изјави полицискиот комесар Ричард Чемберс за новинарите во градот Нелсон на Јужниот остров. Флеминг почина во локалната болница неколку часа подоцна.