Во првите девет месеци од годината во сиромашната област Зиндер, во Нигер, 362 деца, помлади од пет години, умреле од неухранетост, соопшти денеска канцеларијата на Обединетите нации во оваа земја.
– Според последниот извештај за епидемиолошката ситуација во Зиндер, во периодот од 1 јануари до 23 септември се регистрирани 79.087 случаи на тешка неухранетост, а меѓу нив имаше 362 смртни случаи на деца помлади од пет години, соопштија од канцеларијата на ОН во Нијамеј.
Околу 90 отсто од смртните случаи се забележени во градот Зиндер. Оваа област редовно ја зафаќаат долготрајни суши заради кои населението е изложено на голем недостиг на прехрамбени производи, а најзагрозени се пред се жените и децата.