Либиските власти соопштија дека во нападот на руската амбасада во Триполи загинал еден од напаѓачите, а четворица се повредени.
Руското Министерство за надворешни работи потврди дека амбасадата е нападната, нагласувајќи дека никој од дипломатите не е повреден.
Вооружена група влегла на територија на руската амбасада во либиската претстолнина и пукала во воздух, се наведува во соопштението.
Либиските власти веруваат дека нападот е одговор на убиството на либискиот пилот, кој што беше убиен од Украинка, која се сокри во амбасадата на Русија.
По инцидентот група луѓе се собрале пред зградата на амбасадата и протестирале, барајќи ја жената, пренесе „Асошиејтед прес“.
Во отсуство на силна централна власт во Либија, се повеќе има завојувани кланови и племиња какоо и исламистички групи, наведува агенцијата.
Екстремисти во државата во последно време изведоа низа напади на западни дипломати, а најголемиот се случи минатата година во Бенгази, кога се убиени американски амбасадори и уште тројца Американци.
Елена Георгиевска