Командантот на либанската милитантна група Хезболах, Али Абед ал-Кадер Исмаил, беше убиен во израелски напад со беспилотно летало во Бинт Џбеил во јужен Либан денес, соопшти израелската војска.
Во соопштението се вели дека, според израелската војска, Исмаил бил вклучен во напорите за обнова на објектите на Хезболах во областа Бинт Џбеил.
Војската изјави дека постапките на Исмаил „претставуваат јасно кршење на договорот за прекин на огнот меѓу Израел и Либан“, објави „Тајмс оф Израел“.