Во Јапонија протести поради застарените закони за сексуално злоставување

Од:

Демонстрантите, кои се борат за правата на жените денеска шестпати протестираат на улица поради застарените закони за сексуално злоставување откако маж беше ослободен иако сексуално ја искористувал својата ќерка со години.

Судот пресуди дека таткото е виновен за сексуалното злоставување на ќерката од нејзината 13 до 19-годишна возраст, а тој признал дека бил насилен кога таа му се спротивставувала. Но, тој е ослободен бидејќи законот бара од обвинителите да докажат дека имало употреба на сила, закани или дека жртвата во целост била онеспособена.

Пресудата, на која е поднесена жалба, предизвика гнев кај демонстрантите, кои денеска излегоа на улиците во повеќе јапонски градови. Изработена е и интернет петиција со која се бара каков бил сексуален однос без согласност од сите страни да биде дефиниран како силување.

Петицијата досега е потпишана од 47.000 луѓе и е поднесена до Министерството за правда.

Судот во најновиот случај на инцест призна дека девојчето било присилено на секс „против своја волја“. Исто така наведе дека е нејасно дали девојчето било „неспособно да се спротивстави“, па таткото е ослободен од обвинението за силување.

Јапонија во 2017 година го измени кривичниот закон за сексуални злосторства првпат во 110 години, признавајќи дека постојат и машки жртви и ја зголеми казната за силување од минималните три на пет години.

Но, барањето дека жртвата мора да докаже дека не можела да се спротивстави на нападот не е изменето.

Би можело да ве интересира

Азиски берзи: Остар пад поради ширењето на корона вирусот

Ана Ололовска

Намален бројот на самоубиства во Јапонија во 2019 година

Ана Ололовска

Ерупција на вулкан во Јапонија

Ана Ололовска

„Волстрит журнал“: Американски специјалец помагал во бегството на Карлос Гон од Јапонија

А1он

Во Јапонија издадено предупредување од опасност од ерупција на вулкан

Ана Ололовска

Земјотрес од 5,9 по Рихтер регистриран во Јапонија

Ана Ололовска