Во Израел 4.900 здравствени работници се во карантин, има недостиг на персонал

Од:

Речиси 4.900 здравствени работници во Израел се во карантин, покажуваат денешните податоци. Во претходните 24 часа во земјата се регистрирани 43.815 нови случаи на коронавирус, јави „Џерусалим пост“.

dobivaj vesti na viber

Во изолација се 690 лекари и 1282 медицински сестри. За споредба, до вчера во карантин беа околу 3.800 здравствени работници. Меѓу нив имаше 542 лекари и 1.000 медицински сестри.

Недостигот од критичен персонал е една од причините за одлуката на Министерството за здравство да им дозволи на заразените со варијантата Омикрон наместо за десет дена да излезат од изолација после една седмица, под услов да немале никакви симптоми во претходните три дена.

Во израелските болници денеска има 781 заболен од Ковид-19, од кои 255 се во тешка состојба, а 63 се на апарати за механичко дишење.

Вчера во Израел беа обработени речиси 400.000 тестови (ПЦР и антигени).

Во моментов има околу 223.000 активни случаи на коронавирус во земјата, но експертите проценуваат дека реалната бројка е многу поголема.

Би можело да ве интересира

Германскиот министер за здравство предупредува дека пандемијата на коронавирусот не е завршена

Ана Ололовска

Ковид-19 се шири во САД, но хоспитализациите се намалени

Ана Ололовска

Ќерката на американскиот претседател позитивна на коронавирусот

Ана Ололовска

Од 1 јуни во Грција привремено се укинува задолжителната маска и на затворено

Ана Ололовска

Макрон го повика Израел брзо да ја истражи смртта на новинарката на Ал Џезира

Јапонија ги отвара границите, но само за „пробни“ туристички тури

Ана Ололовска