Два часа по затворањето на гласачките места во Индонезија, кандидатот за претседател од Демократската партија на Борбата Јоко Видодо прогласи победа.
Вториот кандидат од коалицијата Гериндра, Прабово Субианто изјави дека Видодо избрзал и дека треба да се почека до 22 јули, кога ќе бидат соопштени официјалните резултати.
На претседателските избори во Индонезија, четврти по ред по соборувањето на диктаторот Сухарто, право на глас имаа 190,2 милиони гласачи. Според првите неофицијални резултати, излезноста била рекордна, со над 85 посто од запишаните.