Германската федерална полиција соопшти дека рекордни 3.500 мигранти пристигнале меѓу понеделникот изутрината и денеска попладне во јужниот дел на Баварија, преку границата со Австрија.
Тоа е најголемиот број мигранти регистриран за ден и половина во некој полициски округ во Германија од почетокот на миграциската криза во Европа, изјави портпаролот на федералната полиција.
Оваа бројка е регистрирана меѓу понеделникот во осум часот по локално време и денеска во 14:30 часот по локално време од Минхенскиот полициски округ, кој ја опфаќа територијата од Минхен до границата со Австрија.
Германија очекува оваа година да добие 800 илјади барања за азил, што е за четири пати повеќе во однос на лани.