Државното Јавно обвинителство во Карлсруе денеска поднесе обвинение против пет лица, од кои едното е државјанин на Косово, за помагање на терористичката организација Исламска држава.
Тие се обвинети дека преку различни канали во периодот од 2020 до 2022 година собрале повеќе од 250.000 евра и ги доставиле парите на припадниците на Исламската држава (ИД) во Сирија, кои ги искористиле парите за купување на членови на ИД од курдско заробеништво.
Обвинението е покренато против три жени и двајца мажи, од кои едниот Кујтим Б. е косовски државјанин. Останатите обвинети имаат германско или двојно германско-мароканско државјанство. Сите обвинети се во притвор од крајот на мај. Во акцијата на крајот на мај беа уапсени уште две лица и истрагата против нив се уште трае.
Според Канцеларијата за заштита на уставниот поредок за 2022 година, во Германија има 27.480 луѓе за кои се верува дека припаѓаат на ИД.