Во два града во Германија, неодамна беа вакцинирани две илјади луѓе со вакцина со поминат рок.
На почетокот на јануари во Центарот за вакцинација во Инголштад биле дадени дози од вакцината Бионтек, чиј рок штотуку поминал, а истото се случило и во Еберсберг.
Властите на Горна Баварија соопштија дека вакцината на која и истече рокот на употреба ден претходно, случајно била дадена на 4 и 5 јануари.
Со вакцината се вакцинирани 201 лице, а покрај сличниот инцидент во Центарот за вакцинација Еберсберг, ова е единствен случај во Горна Баварија, каде што е дадена вакцина чиј рок на траење е малку надминат.
Според податоците на Министерството за здравство, ова се засега единствените познати случаи низ Баварија, а ќе бидат повикани и оние кои ги примиле спорните вакцини наведените денови.
Медицинската управа на Центарот нагласи дека ваквите вакцини се безбедни по здравјето.
Досегашното искуство сугерира дека и покрај краткотрајното надминување на рокот на вакцината, постои заштита.