Во Франција се зголемува бројот на новозаболени лица со Ковид-19 и на пациенти на интензивна нега

Од:

Бројките од Институтот за јавно здравство на Франција укажуваат на зголемување на пациентите примени на интензивна нега поради новиот коронавирус, како и зголемување на стапката на тестирани лица со позитивни резултати.

Ппоради тоа францускиот премиер Жан Кастекс упати директна порака до своите сонародници:

– Го кажувам ова со најголема сериозност, ако не реагираме колективно, се изложуваме на висок ризик од продолжување на епидемијата, што ќе биде тешко да се контролира, рече тој пред новинарите.

Од почетокот на јули, некои бројки за епидемијата повторно почнаа да растат. Стапката на позитивноста се зголемува во целина за да достигне 2,2 отсто минатиот петок. Оваа бројка одговара на процентот на луѓе кои имаат позитивни резултати во однос на вкупниот број тестови (позитивни и негативни).

Друга констатација е бројот на пациентите на реанимација и интензивна нега, кој исто така се зголеми од почетокот на август, откако овие бројки постојано се намалуваа од април. На 10 август 372 лица беа на реанимација или интензивна нега, односно 28 повеќе отколку на 1 август.

Последните денови просечно има околу 1.500 новозаболени лица, поради што француската Влада препорача носење маски на сите отворени прометни јавни места, како и продолжување на забраната за собири со над 5.000 лица до крајот на октомври.

Би можело да ве интересира

Младо момче најавило самоубиствен напад за време на Олимписките игри во Париз

Франција ќе ја зголеми безбедноста пред синагогите и верските училишта

Едно лице загина, а најмалку едно е рането во напад со нож во Бордо

Откриен е мистериозен тунел во близина на париски затвор

Макрон ќе испрати 1.500 војници во Украина до крајот на април

Горан Наумовски

Почина девојче во Франција кое беше силувано и истепано