Европол соопшти дека разбила мрежа за илегална трговија со луѓе, која носела Романки во Франција и сексуално ги експлоатирала.
Европол наведе дека истрагата против „добро организираната криминална група, која дејствува во Романија, со сложена хиреархиска структура“ почнала во 2012 година. Криминалците сексуалните услуги ги рекламирале онлајн и жените ги носеле низ француските градови. Криминалната мрежа имала заработка од околу четири милиони евра.
Во полициската операција задржани се 25 осомничени лица, извршен е претрес во 56 домови, конфискувани се 20.000 евра, 12 луксузни автомобили, 88 мобилни телефони, 79 сим картички, 25 компјутери, стероиди и накит.