Египетските власти конфискуваа рекордна пратка експлозиви, наменети за Појасот Газа, кој е контролиран од движењето Хамас.
Еден тон експлозивни направи биле пронајдени при контрола на камион на преминот меѓу континеталниот дел на Египет и полуостровот Синај.
Во последните три месеци полицијата во Египет успеа да заплени вкупно пет тони експлозив, делови од ракети и автоматско оружје, наменети за палестинската територија.
Се претпоставува дека тие пристигнуваат од Либија и се внесуваат во Појасот Газа од криминални групи, кои дејствуваат на полуостровот Синај.