Непознати вооружени лица убија денеска еден водител во либиска телевизија во источниот град Бенгази.
Напаѓачите повеќе пати пукале кон Азедин Кусос, водител во телевизијата Ал Хура, додека седел во неговиот автомобил, паркиран во квартот Сиди Хусеин, откако присуствувал на молитва во џамија.
Кусос работел и во радио станицата Ал Манара ФМ, пред да се вработи во водечката приватна телевизија, која беше отворена по револицијата во 2011 година, со која од власт беше соборен режимот на Моамер Гадафи.
Новинарите во Бенгази изјавуваат дека програмата за човечкиот развој, која Кусос ја водел немала никакви политички конотации.
Либиските медиуми и новинари изминатите неколку месеци се честа мета на напади и киднапирања.