Властите во Бахреин разбиле терористичка група поврзана со Иран, соопшти Министерството за внатрешни работи.
Уапсени се 47 луѓе со што биле спречени терористички напади кои требало да бидат извршени во скоро време. Групата имала тесни врски со „терористи“ во Иран.
Во неколку села во близина на главниот град Манама откриени се оружје и експлозиви.
МНР на Бахреин го обвини Иран дека се меша во внатрешните работи на државата и се обидува да ја поткопа стабилноста со терористички напади. Минатиот месец Бахреин го отповика својот амбасадор во Иран и го прогласи иранскиот в.д. амбасадор во државата за персона нон грата.