Германската Влада ги повика демонстрантите кои го кренаа гласот во знак на протест против расизмот и полициската бруталност да се придржуваат кон правилата за социјално (физичко) дистанцирање, откако за време на викендот во Берлин се собраа 15.000 лица и 25.000 во Минхен.
Владиниот портпарол Штефан Зајберт изјави дека е „добро е што германските граѓани излегуваат на улиците со јасен став против расизмот“, но додаде дека во некои случаи сликите од протестите не беа „добри“ и дека демонстрантите се ставаат во опасност и самите себе и другите.
-Двете работи се можни: да се протестира мирно, што е основно право, но и да се задржи социјалната дистанца, рече Зајберт.
Весникот наведува дека на фотографиите и снимките од протестите може да се види дека демонстрантите се збиени едни до други, иако во Германија е препорачливо држење растојание од најмалку 1,5 метар.