Вкупно 651 мигрант се спасени денеска од водите на Средоземно Море во неколку спасувачки операции, соопштија крајбрежната стража и Воената морнарица на Италија.
Невообичаено добрите временски услови за овој период од годината веројатно ги натерале луѓето повторно да тргнат на пат од либискиот брег кон Италија.
Крајбрежната стража спасила 360 лица, кои пловеле со три гумени чамци. Брод на организацијата „Лекари без граници“ спаси 96, а потоа уште други 95 мигранти од два пловни објекти во Сицилискиот Теснец.
Воената морнаррица соопшти дека нејзин брод спасил 100 мигранти, а во друга операција било пронајдено тело на едно лице.