Жестоки судири избувнаа синоќа на улиците на Вашингтон, меѓу приврзаниците на актуелниот американски претседател, кои се собраа на голем митинг за поддршка на Доналд Трамп, и симпатизери на неговиот опонент, новоизбраниот шеф на државата Џо Бајден, јавуваат американските медиуми.
Во многуте забележани инциденти на улиците на американскиот главен град, во кои двете групи се тепаа со тупаници и палки и фрлаа камења едни на други, повредени се повеќе лица, едно лице е избодено со нож, а над дваесет се уапсени, соопшти полицијата.
Во судирите, кои избувнале откако толпата на приврзаници на Трамп се сретнале со контра-собири на левичарски симпатизери, запленети се и неколку парчиња огнено оружје.
BREAKING – First clashes between pro and anti-Trump crowds erupting in Washington D.C.pic.twitter.com/sC2rBFjYaK
— Disclose.tv ? (@disclosetv) November 14, 2020
Двајца од повредените се полицајци, соопшти полицијата во Вашингтон.